BMW nima sababdan sedanlar ishlab chiqarishni to‘xtatmasligi ma’lum qilindi

BMW kompaniyas krossoverlar urfga kirayotgan bo‘lsada, sedanlar ishlab chiqarishni davom ettiradi, chunki ushbu modellarga barqaror talab mavjud. Bu haqda markaning bosh dizayneri Domagoy Dukech Autoblog nashriga bergan intervyusida ma’lum qildi.

Unga ko‘ra, krossoverlar ommalasha borayotganiga qaramay, kompaniya sedanlar ishlab chiqarishni davom ettiradi. X6 modeli orqali kupesimon krossoverlar janrining asoschisiga aylangan bavariyaliklar sedanlar modelini yanada rivojlantirish niyatida. Dizayner tushunarliroq bo‘lishi uchun mashinalarni zamonaviy me’morchilik namunalari bilan qiyosladi: krossvoerlar insonlarning har kuni yashaydigan uyi bo‘lsa, sedanlar — nafis uy.

Birinchi holat — oshxona va mehmonxonani bitta hududda birlashtirgan makon ko‘rinishida bo‘lsa, ikkinchisi, o‘z vazifasiga ega alohida-alohida xonalarga ega. Dukechning so‘zlariga ko‘ra, Xitoyda va boshqa ayrim bozorlarda “Amerikacha uslub”ni emas, aynan “nafis me’morchilikni” ma’qul ko‘rishadi, ya’ni sedanlarda salon va yukxona alohida-alohida ajratilgan. Amerikalik va yevropaliklar, aksincha, krossover kabi har qanday vaziyatda kerak bo‘lib qolishi mumkin bo‘lgan universal modelni ma’qul ko‘radi.