So‘nggi vaqtlarda Selena Gomesga omad kulib boqmoqda. Xonandaning 2020-yil yanvarida sotuvga chiqarilgan Rare nomli uchinchi albomi bir necha hafta davomida turli chartlarda birinchilikni egallab keldi. Gomesning Boyfriend qo‘shig‘iga ishlangan klip bir kunda 11 million marta tomosha qilindi.
Bundan tashqari, Hello nashrining yozishicha, xonanda yaqinda besh million dollarlik uy sotib olgan.
Selenaning San Fernando Ensino vodiysining nufuzli tumanida joylashgan uyi shunchaki 350 kvadrat metr maydonga ega ko‘chmas mulk emas, balki o‘ziga xos tarixga ega maskan hisoblanadi.
Bino 80-yillar o‘rtalarida qurilgan bo‘lib, avval rok xonanda Tom Petti va uning birinchi rafiqasi Jeyn Benyoga tegishli bo‘lgan. 1987-yilda uy nopok kimsalar tomonidan yoqib yuborilgan.
Hech kim halok bo‘lmagan, biroq uy to‘liq yonib ketgan.
1989-yilda uy qayta tiklangach, Petti yana oilasi bilan bu yerga ko‘chib kelgan. 1996-yilda xonanda rafiqasi bilan ajrashgach, uy ijaraga berila boshladi.
Ma’lumotlarga ko‘ra, ijarachilardan biri uyni katta to‘lov evaziga noqonuniy diskotega aylantirgan. Huquq-tartibot organlari uning faoliyatini fosh etmoqchi bo‘lganida u ichkariga yashirinib olgan. Jinoyatchi maxsus otryadlar, bir necha vertolyotlar kelganidan keyingina tashqariga chiqqan. Bunday holatlardan keyin uyni qayta ta’mirlashga to‘g‘ri kelgan. 2017-yilga kelib qasr Selena sotib olgan O‘rta Yer dengizi uslubidagi olti yotoqxonali va 11 ta vannaxonali uyga aylantirilgan.
Uyning devorlari ochiq ranglarga bo‘yalgan, ayrim xonalarda devor bo‘yi derazalar mavjud. Mehmonxona va oshxonada yorqin rangli toshlardan ishlangan kamin o‘rnatilgan. Uy oldidagi ochiq bog‘da esa sun’iy sharshara va katta basseyn joylashgan. Selenaning qo‘shnilardan ham omadi chopgan: uning uyi yaqinida Vin Dizelning ham uyi bor.
Izoh (0)