iPhone’ning Face ID kamerasi yuzni skaner qilishda barcha detallarga e’tibor qaratadi — og‘iz, burun, ko‘z, yuz shakli va hokazo. Koronavirusdan himoyalanish maqsadida taqilayotgan niqoblar yuzning asosiy qismini yopib qo‘ygani sabab smartfon kamera orqali o‘z egasini tanimay qolyapti, parolni qo‘l bilan kiritishga to‘g‘ri kelmoqda. 9to5mac nashri ushbu muammoning yechimini topdi.
- “Sozlamalar” bo‘limiga kirish → “Face ID va kod-parol”;
- “Face ID’ni olib tashlash” tugmasini bosish;
- “Face ID sozlamalari” tugmasini bosish orqali niqob taqilgan yuzni skaner qilish, bunda niqobning yarmi buklangan bo‘lishi kerak, shunda yuzning ikkinchi yarmi ochiq qoladi;
- Buklangan niqob bilan ikki marta skanerdan o‘tish.
Shundan so‘ng yuz niqob bilan to‘liq yopilgan bo‘lsa-da, samartfon blokdan ochilish yoki ochilmasigini sinab ko‘rish kerak. Agar blokdan ochilmasa va ishlashi yomonlashsa, qo‘shimcha skanerni amalga oshirish kerak. Buning uchun “Face ID va kod-parol” sozlamasiga kirish va “Muqobil tashqi ko‘rinish” tugmasini bosish darkor. Ushbu menyuda ham asosiy instruksiyada qilgan ishlarni qaytarish kerak, faqat bu safar niqob yuzning qolgan ikkinchi qismini yopishi lozim.
Izoh (0)