Singapur Ta’lim vazirligi darslardan biri xakerlar tomonidan buzilib, behayo suratlar joylashtirganidan so‘ng maktab mashg‘ulotlarini Zoom platformasi orqali o‘tkazishni taqiqladi. Bu haqda “TASS” xabar bermoqda.
Ma’lum bo‘lishicha, voqea o‘rta maktablardan birida 8-aprel — mahalliy maktablarda darslar to‘xtatilib, masofaviy ta’lim olishga o‘tgan kuni sodir bo‘lgan.
“Onlayn-darslar o‘tkazilishi davom etadi, ammo buning uchun boshqa platforma tanalanadi”, — deya vazirlikning 10-aprel kuni tarqatilgan xabarini keltirmoqda ta’lim texnologiyalari bo‘limi boshlig‘i Aron Lo. Uning aytishicha, o‘qituvchilar bunday platformalardan foydalanganda darslarni qanday qilib xavfsiz o‘tkazish keraligi bo‘yicha yana bir bor ko‘rsatmalar oldi. Shuningdek, vazirlik xodimlari ham zarur xavfsizlik choralarini ishlab chiqish borasida Zoom servisi vakillari bilan maslahat olib borayotganini qo‘shimcha qilgan.
Avvalroq Google kompaniyasi o‘z xodimlariga xavfsizlik standartlariga javob bermaydigan Zoom dasturini kompyuterlarga o‘rnatishni taqiqlagani xabar berilgan edi.
Zoom videokonferensaloqa dasturi kompaniya xodimlari orasida koronavirus pandemiyasi sabab masofadan turib ishlashga o‘tilganidan keyin ommalashdi. Kompaniyaning kapitalizatsiyasi uch barobarga ko‘payib, kunlik foydalanuvchilar soni 200 milliondan oshdi.
Izoh (0)