Mart oyi davomida Zoom videokonferensiyalar servisidan har kuni 200 milliondan ortiq odam foydalandi. 2019-yilning dekabrida ushbu ko‘rsatkich 10 million atrofida bo‘lgan.
Foto: Sputnik
Servisning ommalashishiga COVID-19 koronavirus pandemiyasi vaqtida odamlarning karantinda o‘tirgani sabab bo‘lmoqda.
Ta’kidlanishicha, kompaniya 90 kun ichida xavfsizlik va konferensiyalar maxfiyligini ta’minlashga oid masalalarni yechishga va’da bergan. Chunki so‘nggi haftalarda kompaniya mijozlarning shaxsiy ma’lumotlarini himoya qila olmaslikda ayblanmoqda.
2019-yilning iyulida Apple o‘zining Mac kompyuterlaridan Zoom’ni o‘chirib tashlagan edi. Bunga xakerlar servis orqali foydalanuvchining videokamerasiga ulanishi mumkinligiga oid nuqson sabab bo‘lgandi. Zoom konferensiyalarni o‘tkazish imkonini beradigan identifikatsiya raqamlaridan foydalanadi, biroq xakerlar uchun uni taxminiy topish yoki buzib kirish oson.
