Janubiy Koreya poytaxti Seuldan charter reys bilan olib kelingan 196 nafar o‘zbekistonlik 23-mart kuni Namangandagi “Chortoq” sihatgohida karantin kuzatuviga olingan edi.
145 nafar erkak va 51 nafar ayolning salomatligi karantin davrida 52 nafar tajribali tibbiyot xodimi nazoratida bo‘ldi. Ular kuniga 2-marta tibbiy ko‘rikdan o‘tkazilib, 3 mahal tana harorati o‘lchandi. Tekshiruv va tahlillar natijalariga ko‘ra, ularning birortasida ham kasallik alomatlari topilmadi.
“Daryo” muxbiri Azizbek Abduvaliyevning xabar berishicha, belgilangan karantin muddatini o‘tab bo‘lganlar 6-aprel, dushanba kuni, sihatgohdan avtobuslarda kuzatilgan. Ularning respublikaning turli hududlarida istiqomat qilishi inobatga olinib, “O‘zbekiston temiryo‘llari” AJ tomonidan maxsus yo‘lovchi poyezdida yashash manzillariga yetkazib qo‘yiladi.
Izoh (0)