Жанубий Корея пойтахти Сеулдан чартер рейс билан олиб келинган 196 нафар ўзбекистонлик 23 март куни Намангандаги «Чортоқ» сиҳатгоҳида карантин кузатувига олинган эди.
145 нафар эркак ва 51 нафар аёлнинг саломатлиги карантин даврида 52 нафар тажрибали тиббиёт ходими назоратида бўлди. Улар кунига 2 марта тиббий кўрикдан ўтказилиб, 3 маҳал тана ҳарорати ўлчанди. Текширув ва таҳлиллар натижаларига кўра, уларнинг бирортасида ҳам касаллик аломатлари топилмади.
«Дарё» мухбири Азизбек Абдувалиевнинг хабар беришича, белгиланган карантин муддатини ўтаб бўлганлар 6 апрель, душанба куни, сиҳатгоҳдан автобусларда кузатилган. Уларнинг республиканинг турли ҳудудларида истиқомат қилиши инобатга олиниб, «Ўзбекистон темир йўллари» АЖ томонидан махсус йўловчи поездида яшаш манзилларига етказиб қўйилади.
Изоҳ (0)