Qashqadaryolik aka-uka tadbirkor Hasan va Husan Saidovlar dehqonobodliklarga 16 tonna un, 3 tonna yog‘, 3 tonna kartoshka, 10 ming dona tuxum va ming dona tibbiyot niqobi tarqatdi. Bu haqda Dehqonobod hokimligiga tayanib, “Daryo” muxbiri xabar bermoqda.
Ta’kidlanishicha, aka-uka tadbirkorlar asli Dehqonobod tumanida tug‘ilgan bo‘lib, ayni kunda Toshkent shahrida tadbirkorlik qiladi.
“Dehqonobodning shunday farzandlari borligi, sinovli kunlarda yurtdoshlariga ko‘mak beradigan mard o‘g‘lonlari borligidan faxrlanamiz”, — deydi Dehqonobod tumani hokimi Zoir Aliqulov.
Ma’lum bo‘lishicha, dehqonobodliklar uchun keltirilgan 3 ta yuk avtomobilidagi oziq-ovqat mahsulotlari qishloq, mahalla hamda ko‘chalar bo‘ylab harakatlangan va muhtoj oilalarga, tibbiyot xodimlariga tarqatilgan.
Eslatib o‘tamiz, viloyat hokimi Zoir Mirzayev ham har ikki kunda viloyat markaziga ikki vagondan kartosha keltirilishi haqida ma’lum qilgandi.
Mavzuga doir:
- Qashqadaryolik tadbirkor 3 tonna sabzavot va 3 ming dona tibbiyot niqobini aholiga bepul tarqatdi
- Farg‘onalik tadbirkor tomonidan 30 mln so‘mlik oziq-ovqat mahsulotlari, tibbiy niqob va shaxsiy gigiyena vositalari bepul tarqatildi
- Samarqandda aholiga 10 tonna un va 4,5 ming dona qolipli non bepul tarqatildi
Izoh (0)