Қашқадарёлик ака-ука тадбиркор Ҳасан ва Ҳусан Саидовлар деҳқонободликларга 16 тонна ун, 3 тонна ёғ, 3 тонна картошка, 10 минг дона тухум ва минг дона тиббиёт ниқоби тарқатди. Бу ҳақда Деҳқонобод ҳокимлигига таяниб, «Дарё» мухбири хабар бермоқда.
Таъкидланишича, ака-ука тадбиркорлар асли Деҳқонобод туманида туғилган бўлиб, айни кунда Тошкент шаҳрида тадбиркорлик қилади.
«Деҳқонободнинг шундай фарзандлари борлиги, синовли кунларда юртдошларига кўмак берадиган мард ўғлонлари борлигидан фахрланамиз», — дейди Деҳқонобод тумани ҳокими Зоир Алиқулов.
Маълум бўлишича, деҳқонободликлар учун келтирилган 3 та юк автомобилидаги озиқ-овқат маҳсулотлари қишлоқ, маҳалла ҳамда кўчалар бўйлаб ҳаракатланган ва муҳтож оилаларга, тиббиёт ходимларига тарқатилган.
Эслатиб ўтамиз, вилоят ҳокими Зоир Мирзаев ҳам ҳар икки кунда вилоят марказига икки вагондан картоша келтирилиши ҳақида маълум қилганди.
Мавзуга доир:
- Қашқадарёлик тадбиркор 3 тонна сабзавот ва 3 минг дона тиббиёт ниқобини аҳолига бепул тарқатди
- Фарғоналик тадбиркор томонидан 30 млн сўмлик озиқ-овқат маҳсулотлари, тиббий ниқоб ва шахсий гигиена воситалари бепул тарқатилди
- Самарқандда аҳолига 10 тонна ун ва 4,5 минг дона қолипли нон бепул тарқатилди
Изоҳ (0)