Bellator promousheni MMA bo‘yicha may oyidagi uchta musobaqasini koronavirus sabab qoldirdi. Bu haqda tashkilot matbuot xizmati ma’lum qildi.
Shu tariqa 9-may kuniga mo‘ljallangan Bellator 242, shuningdek, Bellator 243 (16-may) va Bellator 244 (29-may) kechalari noma’lum muddatga surildi.
“Sportchilar, muxlislar, hamkorlar va xodimlar sog‘lig‘i biz uchun har doim birinchi o‘rinda turadi. Mazkur qiyin onlarda ushbu qarorni tushunganlar va sabrlilarni qadrlaymiz”, — deyiladi tashkilot bayonotida.
Bellator 242 kechasining asosiy jangi yarim og‘ir vazn chempioni Rayan Beyder va rossiyalik yakkukashchi Vadim Nemkov o‘rtasida o‘tishi kerak edi.
Eslatib o‘tamiz, avvalroq UFC ham uchta musobaqasini qoldirishga majbur bo‘lgani haqida xabar berilgandi.
Izoh (0)