Bellator промоушени MMA бўйича май ойидаги учта мусобақасини коронавирус сабаб қолдирди. Бу ҳақда ташкилот матбуот хизмати маълум қилди.
Шу тариқа 9 май кунига мўлжалланган Bellator 242, шунингдек, Bellator 243 (16 май) ва Bellator 244 (29 май) кечалари номаълум муддатга сурилди.
«Спортчилар, мухлислар, ҳамкорлар ва ходимлар соғлиғи биз учун ҳар доим биринчи ўринда туради. Мазкур қийин онларда ушбу қарорни тушунганлар ва сабрлиларни қадрлаймиз», — дейилади ташкилот баёнотида.
Bellator 242 кечасининг асосий жанги ярим оғир вазн чемпиони Райан Бейдер ва россиялик яккукашчи Вадим Немков ўртасида ўтиши керак эди.
Эслатиб ўтамиз, аввалроқ UFC ҳам учта мусобақасини қолдиришга мажбур бўлгани ҳақида хабар берилганди.
Изоҳ (0)