Angliya Premyer Ligasi, Angliya futbol ligasi (EFL) hamda Angliya professional futbolchilar assotsiatsiyasi qo‘shma bayonotini e’lon qildi.
Unga ko‘ra, tomonlar koronavirus bilan bog‘liq vaziyatni muhokama qilgan. APL, EFL hamda PFA mazkur qiyin vaziyatdan chiqib ketish uchun birgalikda qarorlar qabul qilishga kelishib olgan. Shuningdek, ular Angliyadagi chempionatlar (APL, Chempionship, Liga 1 va Liga 2) 30-aprelga qadar boshlanmasligi haqida qaror qabul qilgan. Ular futbol mavsumi qaytadan boshlanishi uchun qachon yaxshi va xavfsiz sharoit vujudga kelsa, shunda futbol o‘yinlariga ruxsat berilishini ma’lum qilgan.
Ma’lumot uchun, Buyuk Britaniyada koronavirusga chalinish holati 14 751 tani tashkil etib turibdi. 761 kishi esa hayotdan ko‘z yumgan. Hatto mamlakat bosh vaziri Boris Jonsonda ham virus aniqlangani haqida xabar berildi.
Mavzuga doir:
- Ispaniya futbol federatsiyasi klublarga 500 mln yevro miqdorida yordam puli bermoqchi
- Otabek Shukurov karantin vaqtida muhtoj oilalarga yordam berish uchun 100 mln so‘m xayriya qildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)