Fransiyaning PSJ klubi “Napoli” himoyachisi Kalidu Kulibali transferi yuzasidan harakatlarni boshlab yubordi, deb xabar bermoqda italiyalik taniqli jurnalist Nikola Skira.
Qayd etilishicha, parijliklar senegallik 28 yoshli himoyachiga 2025-yilga qadar mo‘ljallangan shartnoma taklif qilish niyatida. Klub unga bonuslardan tashqari yillik 10 million yevro maosh berishga tayyor.
O‘z navbatida “Napoli” Kulibali transferidan 100-110 million yevro miqdorida pul ishlab olishni rejalashtirgan.
So‘nggi xabarlarga ko‘ra, futbolchi allaqachon Parijda 4 million yevro evaziga xonadon xarid qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)