“Bugun butun respublikaning e’tibori mamlakatimizga kirib kelgan koronavirus infeksiyasi bilan bog‘liq vaziyatga qaratilgan. Bunday holatda eng muhimi vahimaga tushmaslik va xavotirni kuchaytirmaslikdir. O‘zbekiston hukumati tomonidan ushbu kasallikka qarshi kurash bo‘yicha barcha zaruriy choralar ko‘rilmoqda.
Haqiqatan, butun dunyodagi koronavirus epidemiyasiga oid vaziyatga qaramay, mamlakatimizda virusning yuzaga kelishi barcha o‘zbekistonliklar uchun kutilmagan hol bo‘ldi. Bunday maqsadlarga umuman mo‘ljallanmagan, faqat yoz mavsumida ishlaydigan “Sokol” bolalar oromgohining karantin hududi sifatida tayyorlash borasidagi kutilmagan qaror qanchalik hayratga solganligini tasavvur qilish mumkin.
Nafaqat mamlakatimiz, balki butun dunyo uchun og‘ir bo‘lgan ushbu davrda “Sokol” va uning butun jamoasi voqealarning qoq markazida bo‘ldilar. Virus butun mamlakatimizga tarqalib ketmasligi uchun aynan shu lahzalarda birdam bo‘lishimiz va qo‘limizdan kelgan barcha ishni bajarishimiz zarurligini tushunib, oromgoh rahbari sifatida men va 50 dan ziyod jalb qilingan xodim “Sokol” oromgohida, boshqalar kabi karantinda, tashqi olamdan butkul ihotalangan holdamiz. Bizdan tashqari karantin hududida, xuddi shunday sharoitda Sog‘liqni saqlash vazirligidan 16 nafar shifokor, FVVdan o‘t o‘chirish xizmati navbatchi ekipaji, jami: umumiy kulfatga qarshi kurash yo‘lida o‘z salomatligi, balki jonini xatarga qo‘ygan 70 dan ortiq kishi mavjud.
“Sokol” oromgohi jamoasi uchun ham, bu yerga joylanganlar kabi, karantin stress bo‘ldi. Majmua jamoasi, voqealar markazida bo‘lib, karantinda hamma bilan birga qolishni o‘z ixtiyori bilan tanladi va, “birinchi qo‘llardan” hammaga shuni ma’lum qiladi: karantin – bu hibs emas, balki zaruratdir. Biroz oldin tarmoqda tarqalgan dahshatli sharoitlar to‘g‘risidagi axborot va karantindagilarning boshqa janjallari – bular boshdan kechirilgan stress va barchaning o‘z uyiga tezroq borishga bo‘lgan istagidan o‘zga narsa emas. Biz barchamiz karantindagilarga qanchalik qiyinligini tushunamiz, lekin umumxalq ishiga o‘z hissamizni ham qayd etmoqchimiz va barchani bunday og‘ir vaqtda sabr-toqatli bo‘lishga chaqirmoqchimiz.
“Sokol” bolalar oromgohi direktori yana ma’lum qildiki, fuqarolarning karantinda bo‘lishini qulaylashtirish uchun binolarni bahor vaqtida foydalanishga tayyorlash bo‘yicha barcha choralar ko‘rildi: qo‘shimcha boyler jihozlari, dizel-generatorlar va issiqlik to‘plari sotib olindi. Shuningdek, yashovchilar 25 000 dona bir martalik idish-tovoq, 1000 dan ziyod yotoq anjomlari komplekti va sochiqlar bilan ta’minlandi. Dezinfeksiya maqsadida kvars lampalari o‘rnatildi va xonalar muntazam dezinfeksiyalanmoqda.
“Shuningdek, 100 dan ziyod nomdagi shaxsiy gigiyena va dezinfeksiya vositalari sotib olindi (har bir kishiga uch juftdan shippak, niqob, spirt, bint, nam va qog‘oz salfetkalar, kir yuvish kukunlari, tish pastasi va cho‘tkasi, ustara, hojatxona qog‘ozi, shampun, antiseptik, xo‘jalik sovuni, gel, suyuq xlor, noto‘qima mato, doka, ayollar tagligi va boshqalar). Karantin hududidagilar birlamchi zarur dori-darmonlarning yetarlicha miqdori va tibbiy punkt uchun qo‘shimcha tibbiy inventar, jumladan insulin ruchkalari bilan ta’minlangan.
Bu yerdagilarning dam olishlari ham puxta rejalashtirilgan: binolarda tennis stollari o‘rnatilgan, 6 ta televizor, shaxmat-shashka sotib olingan, yopiq kinoteatr ishga tushirildi, shuningdek davriy nashrlar (o‘zbek va rus tillaridagi gazeta, jurnal, kitoblar) yetkazilishi yo‘lga qo‘yildi. Stolusti o‘yinlar, koptoklar, bolalar uchun rasm chizish to‘plamlari, qo‘g‘irchoqlar va boshqalar xarid qilindi. Shuningdek, birlamchi zarur tovarlar sotuvchi do‘kon tashkil etildi.
Izoh (0)