Italiya koronavirus qurbonlari soni bo‘yicha Xitoydan o‘zib ketdi

Italiyada COVID-19 koronavirusi oqibatida halok bo‘lganlar soni 3405 nafarga yetdi. Bu haqda Fuqaro muhofzasi departamenti boshlig‘i Anjelo Borelli ma’lum qilgan, deb yozmoqda Rai.

Xitoy sog‘liqni saqlash komissiyasining so‘nggi ma’lumotlariga ko‘ra, mamlakatda 3245 nafar odam koronavirus infeksiyasi tufayli halok bo‘lgan.

Borellining aytishicha bir sutka ichida Italiyada koronivurs keltirib chiqargan pnemoniyadan 427 nafar kishi vafot etgan.

Jahon sog‘liqi saqlash tashkilot ma’lumotlariga ko‘ra, Italiya umumiy kasallanganlar sonidan tashqari barcha jabhalarda birinchi o‘ringa chiqib olgan: Xitoyda 81,1 ming nafar odam kasallangan bo‘lsa Appenin yarimorolida ular soni 31,5 mingni tashkil qiladi.

Xitoy hukumati 70 ming nafar odamning koronavirusdan tuzalgani haqida hisobot bergan, Italiyada esa hozircha 4440 nafar bemor kasallikdan forig‘ bo‘lgan.

19-mart kuni Londondagi Imperiya kolleji epidemiologlari COVID-19 koronavirusini ushlab turish strategiyalarini tahlil qilgan. Tadqiqotlar natijasida ikki xil chora-tadbirlar ssenariysi ma’qullangan. Birinchi ssenariyga ko‘ra, choralar infeksiyaning tarqalishini sekinlashirishi mumkin, ammo uni to‘liq to‘xtata olmaydi, oqibatda epidemiya uch yoki to‘rt oydan keyin eng baland nuqtasiga yetadi. Ushbu yo‘nalishda bemor va ularning oila a’zolari uy sharoitida izolyatsiyada o‘tirishi, shunigdek yoshi katta odamlarni sotsial uzoqlashtirish tavsiya qilingan. Prognoz qilingan koronavirus qurbonlarining soni — 250 ming nafardan ko‘p.

Ikkinchi ssenariyada kasallikning tarqalishi to‘liq to‘xtatiladi. Biroq muayyan vaqt o‘tgach karantinning keskin choralari tugagach, koronavirus yana qaytishi mumkin. COVID-19ning ikkinchi to‘lqini kelasi qishda sodir bo‘ladi. Lekin ushbu ssenariyda infeksiyaga qarshi kurashish uchun o‘ta qat’iy choralar ko‘rish – aholini to‘liq izolyatsiya qilishga to‘g‘ri keladi va bu kasallik tarqalishidan tashqari yana juda ko‘p ijtimoiy-iqtisodiy muammolarni yuzaga keltiradi.

“Vaksinaning birinchi sinovi koronavirusning genetik oqibatlari tahlil qilinganidan 60 kun o‘tgach o‘tkazilgan. Bu juda g‘aroyib yutuq”, — degandi u.