Futbol bo‘yicha Yevropa Chempionlar Ligasining 1/8 final javob bahsidan o‘rin olgan ikki o‘yin 11-mart, chorshanba kuni bo‘lib o‘tdi.
PSJ o‘z maydonida Dortmundning “Borussiya”sini qabul qildi va 2:0 hisobida mag‘lubiyatga uchratdi. Uchrashuvning 28-daqiqasida Neymar parijliklarni oldinga olib chiqdi. Birinchi bo‘limga qo‘shib berilgan vaqtda Xuan Bernat ikkinchi golni urdi. Ikkinchi bo‘limda darvozalar daxlsiz qoldi.
Shu tariqa PSJ ikki o‘yin natijasiga ko‘ra (3:2) keyingi bosqichga yo‘l oldi.
YChL
1/8 final, javob bahsi
11-mart, chorshanba
PSJ — “Borussiya D” 2:0
Gollar: 1:0 — 28 Neymar, 2:0 — 45+1 BernatPSJ: Navas, Kerer, Kimpembe, Markinyoos, Bernat, Paredes (Kuassi, 90), Di Mariya (Kurzava, 79), Sarabiya (Mbappe, 64), Guye, Neymar, Kavani.
“Borussiya D”: Byurki, Hummels, Pishchek, Zagadu, Hakimi (Gyotse, 87), Jan, Gerreyru, Sancho, Vitsel (Reyna, 71), Azar (Brandt, 69), Holand.
Ogohlantirishlar: Holand (16), Hummels (61), Bernat (68), Neymar (90), Di Mariya (90), Markinyos (90).
Chetlatish: Jan (89).
Birinchi o‘yin — 1:2
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)