Miraziz Mirzahalilov iordaniyalik bokschini mag‘lub etib, litsenzion musobaqa chempioniga aylandi

Iordaniyaning Amman shahri mezbonlik qilayotgan boks bo‘yicha litsenzion musobaqaning final uchrashuvlari 11-mart, chorshanba kuni bo‘lib o‘tmoqda.

-57 kilogramm vazn toifasida ringga ko‘tarilgan Mirazizbek Mirzahalilov hal qiluvchi bahsda mezbonlar vakili Mohammad Alvadiga qarshi jang qildi. Jangda katta ustunlikka ega bo‘lgan o‘zbekistonlik bokschi bir ovozdan (5:0) g‘olib deb topildi.

11-mart kuni shuningdek, Elnur Abduraimov va Bahodir Jalolov ham final bahslarida ishtirok etadi.