Futbol bo‘yicha Yevropa Chempionlar Ligasining 1/8 final javob bahsidan o‘rin olgan ikki o‘yin 11-mart, chorshanba kuni bo‘lib o‘tdi.
Yurgen Klopp qo‘l ostidagi “Liverpul” o‘z maydonida “Atletiko”ni qabul qildi. Uchrashuvning 43-daqiqasida Jorjinyo Veynaldum tomonidan kiritilgan to‘p asosiy vaqtda yagonaligini saqlab qoldi va qo‘shimcha bo‘limlarga murojaat qilindi.
Dastlab Roberto Firmino 94-daqiqada “Liverpul”ning ikkinchi golini urdi. Biroq bunga madridliklar Markos Lyorentening dubli va Alvaro Morataning goli bilan javob qaytardi.
Shu tariqa Diyego Simeone shogirdlari ikki o‘yin natijasiga ko‘ra (4:2) amaldagi chempionni musobaqadan chiqarib yubordi.
YChL
1/8 final, javob bahsi
11-mart, chorshanba
“Liverpul”—“Atletiko” 2:3
Gollar: 1:0 — 43 Veynaldum, 2:0 — 94 Firmino, 2:1 — 97 Lyorente, 2:2 — 105+1 Lyorente, 2:3 — 120+1 Morata“Liverpul”: Adrian, van Deyk, Robertson, Gomes, Aleksander-Arnold, Veynaldum (Origi, 105), Henderson (Fabinyo, 105), Oksleyd-Chemberlen (Milner, 82), Mane, Firmino (Minamino, 113), Saloh.
“Atletiko”: Oblak, Felipe, Trippyer (Vrsalko, 90), Savich, Lodi, Saul, Tomas, Korrea (Ximenes, 105), Koke, Joau Feliks (Morata, 103), Diyego Kosta (Lyorente, 56).
Ogohlantirishlar: Aleksander-Arnold (119), Morata (119), Saul (120)
Birinchi o‘yin — 0:1
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)