O‘zbekiston sport kurashlari assotsiatsiyasi o‘zbekistonlik erkin kurashchi Hasanboy Rahimovdan doping aniqlangani yuzasidan rasmiy bayonot berdi.
Ta’kidlanishicha, O‘zbekiston sport kurashlari assotsiatsiyasiga Butunjahon birlashgan kurash federatsiyasidan (UWW) rasmiy maktub kelib tushgan. Maktub mazmunida UWW Mustaqil antidoping tashkiloti (ITA) tahlillariga asoslangan holda Hasanboy Rahimovda doping aniqlanganini aytilgan.
Rahimovdan 2019-yili Qozog‘istonning Nur-Sulton shahrida o‘tkazilgan sport kurashlari bo‘yicha kattalar o‘rtasidagi Jahon chempionati chog‘ida olingan doping-tahlili ijobiy natija bergan. Tekshiruv Germaniyaning Drezden shahridagi laboratoriyada o‘tkazilgan. Rahimovning qon tarkibida taqiqlangan klomifen moddasi borligi aniqlangan.
Mavzuga doir: O‘zbekistonlik erkin kurashchi doping sabab Tokio—2020 Olimpiadasi yo‘llanmasidan mahrum etildi
O‘zbekiston sport kurashlari assotsiatsiyasining tushuntirish berishicha, Hasanboy Rahimov sog‘lig‘ida yuzaga kelgan muammo sabab shifokor tavsiyasiga ko‘ra dori vositasi qabul qilgan. Ammo, bu vosita tarkibida taqiqlangan klomifen moddasi borligini bilmagan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)