Futbol bo‘yicha Ispaniya La Ligasining 27-turidan o‘rin olgan 7-mart, shanba kungi ikkita bellashuv yakunlandi.
“Atletiko” turning markaziy uchrashuvida “Sevilya”ga qarshi bahs olib bordi. “Vanda Metropolitano” stadionida kechgan o‘yinda 2:2 hisobidagi jangovar durang qayd etildi.
Madridliklar safida Joau Feliks va Alvaro Morata o‘z hisobiga gol yozdirib qo‘ygan bo‘lsa, mehmonlarning kiritilgan to‘plariga Lyuk de Yong va Lukas Okampos muallif bo‘ldi.
Ushbu bahsdan keyin “Sevilya” 47 ochko bilan 3-o‘rinni saqlab turibdi. “Atletiko” esa (45) 5-pog‘onada qoldi.
La Liga
27-tur bahslari
7-mart, shanba
“Atletiko” — “Sevilya” 2:2
Gollar: 0:1 – 19 de Yong, 1:1 – 32, penalti Morata, 2:1 – 36 Joau Feliks, 2:2 – 43, penalti Okampos.“Atletiko”: Oblak, Ermoso (Ferreyra Karrasko, 54), Felipe, Savich, Trippyer, Saul, Lyorente, Joau Feliks (Vitolo, 80), Koke, Korrea, Morata (Diyego Kosta, 68).
“Sevilya”: Vatslik, Diyego Karlos, Kunde, Regilon, Navas, Banega, Gudel, Suso (An-Nesiri, 63), Jordan (Serxi Gomes, 74), Okampos (Vaskes, 81), de Yong.
Ogohlantirishlar: Diyego Karlos (31), Navas (43), Banega (45), Gudel (56), Joau Feliks (73), Trippyer (77).
“Eybar” — “Malyorka” 1:2
Gollar: 0:1 – 42 Dani Rodriges, 0:2 – 78 Kubo, 1:2 – 90 Bigas.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)