Telegram’dagi bir qator kanallarda “Qarshi shahrida ‘uchastkovoy’ bir ayol bilan qo‘lga tushib qoldi” sarlavhali video tarqalgan edi. Qashqadaryo viloyati IIB matbuot xizmati ushbu video yuzasidan ma’lumot berdi.
Ma’lum bo‘lishicha, videoda Kasbi tumani markazida joylashgan go‘zallik salonida fuqarolar va IIB xodimi Ahror Umidov o‘rtasida 2018-yil 8-noyabr kuni bo‘lgan tortishuv aks etgan. Holat yuzasidan 2018-yil dekabrida tegishli soha xizmati mas’ul xodimlari tomonidan xizmat tekshiruvi o‘tkazilgan.
Xizmat tekshiruvi yakunlariga ko‘ra, Qarshi shahar IIO FMB 2-son IIB profilaktika katta inspektori lavozimida ishlagan mayor Ahror Umidovga “egallab turgan lavozimidan ozod etish” jazosi qo‘llanilib, u kichik lavozimga o‘tkazilgan.
Izoh (0)