Bo‘m-bo‘sh ko‘chalar, fidoyi dorixonachi, “ispan grippi” tufayli yopilgan bar. Italiyaning “qizil zonasi”dan suratlar
Italiyada 4-mart holatiga ko‘ra, koronavirusga chalinganlar soni 2502 nafarga, qurbonlar soni esa 79 nafarga yetdi. Koronavirus bilan kasallanish va o‘lim holatlari bo‘yicha Italiya Erondan o‘tib ketdi.
Reuters boshlang‘ich maktab o‘qituvchisi Marsio Tonioloning karantindagi San-Fiorano kommunasida olgan suratlarini chop etdi.
31 yoshli Kyara Zuddas 2 yashar qizi Byanka Toniolo bilan San-Fioranodagi uy balkonidan tashqarini kuzatmoqda. Surat Kyaraning eri, Byankaning otasi tomonidan Marsio Toniolo tomonidan olingan.Foto: Reuters
Temiryo‘l yaqinida musiqa eshitib, vaqtichog‘lik qilayotgan yoshlar.Foto: Reuters
85 yoshli Ines Prandini Toniololar oilasi bilan birga ravioli tayyorlamoqda.Foto: Reuters
San-Fioranoda qurilayotgan uy.Foto: Reuters
San-Fioranodagi bo‘m-bo‘sh ko‘cha.Foto: Reuters
Italiyaning Kazalpusterlengo shahridagi ko‘chada Supermen kiyimini kiyib olgan bola.Foto: Reuters
Mijoz poylayotgan farmatsevt ayol. U oilasi bilan Breshiyaga ketish o‘rniga odamlarga yordam berish uchun San-Fioranoda qolgan. Shu sababli mahalliy mer ayolning kvartiradagi ijara pulini to‘lab bermoqda.Foto: Reuters
Niqob taqib qo‘yilgan haykal oldidan velosipedda o‘tayotgan niqobsiz erkak.Foto: Reuters
Kodonyo shahrida tez yordam mashinasi oldidagi himoya kiyimlaridagi tibbiyot xodimlari.Foto: Reuters
Kichik do‘kon eshigiga osib qo‘yilgan yozuv: “Iltimos, barchaning xavfsizligi uchun niqob va qo‘lqop taqib oling, rahmat. Bir vaqtning o‘zida 4 kishi kirishi mumkin”.Foto: Reuters
Byanka Toniolo katta xaltalardagi 300 yevroga sotib olingan oziq-ovqat mahsulotlari oldida o‘tiribdi. Uning oilasi uzoq vaqtga yetadigan oziq-ovqat mahsulotlarini g‘amlab qo‘ydi.Foto: Reuters
Jino Verani San-Fioranodagi uyida o‘tiribdi. “Biz bobomizga mahalliy bar ‘ispan grippi’ tufayli yopilganini yuz marta aytdik. U juda darg‘azab bo‘lmoqda”, — deydi Marsio Toniolo. Birinchi jahon urushidan keyin millionlab odamlarning o‘limiga sabab bo‘lgan “ispan grippi” og‘zaki tilda pandemiyaning sinonimiga aylangan.Foto: Reuters
Kyara Zuddas 2 yoshli qizi Byanka Toniolo bilan birga divanda o‘tiribdi.Foto: Reuters
Kyara Zuddas San-Fioranodagi karantin kunlarini belgilab bormoqda. Boshlang‘ich maktabda o‘qituvchi bo‘lib ishlaydigan Kyara o‘quvchilari bilan doimiy aloqada bo‘lib turish uchun WhatsApp’da guruh ochgan. “Men bu ishni maktab dasturini davom ettirish uchun emas, insoniy muloqotni saqlab turish uchun qildim”, — deydi Byanka.Foto: Reuters
Toniololar oilasidan hech kim og‘rib qolmaganiga ishonch hosil qilish uchun ular har kuni termometr orqali haroratni o‘lchashadi.Foto: Reuters
San-Fioranodagi cherkov darvozasiga osilgan yozuv: “Ibodatxona keyingi ko‘rsatmaga qadar yopildi”.Foto: Reuters
Kyara Zuddas 2 yoshli qizi Byanka bilan quyosh botishini tomosha qilmoqda. San-Fioranoda odamlar shahar aylanishi, itlarni sayr qildirishi, velosipedda uchishi cheklanmagan, ammo rasmiylar boshqa odamlar bilan kontakt qilmaslikni tavsiya qildi.Foto: Reuters
Izoh (0)