Rospotrebnadzor Moskva shahrida koronavirus yuqtirib olish bo‘yicha birinchi holat kuzatilganini tasdiqladi, deya xabar bergan “Interfaks”. Koronavirusga chalingan bemor rossiyalik David Berovning ushbu kasallikni Italiyadan yuqtirib kelgani aytilmoqda.
Ta’kidlanishicha, Rossiyada koronavirusni aniqlashning uch bosqichdan iborat jarayon asosida tekshirilmoqda. Dastlabki tashxis Moskvadagi 1-raqamli kasalxonada qo‘yilgan, keyinchalik Rospotrebnadzor uni tasdiqlagan. Endi tahlil natijalari Novosibirskdagi “Vektor” markaziga yuborilgan va u yerdan yakuniy xulosa beriladi.
Avval Berov bilan yana olti nafar fuqaroning bir xonada davolangani ma’lum bo‘lgan. Tahlillar erkakda koronavirus aniqlanganidan keyin uni alohida xonaga olib o‘tishgan. Berov bilan qo‘shni bo‘lgan Aslan Subxankulovning so‘zlariga ko‘ra, xonada yotgan hamma bermorlardan takroran tahlillar olingan va shifokorlar xatosi oshkor bo‘lmasligi uchun ulardan bu haqida hech kimga aytmaslik so‘ralgan.
29-fevralda koronavirusning to‘rt nafar rossiyalikda kuzatilgani va ularning uch nafari Diamond Princess kemasi yo‘lovchisi bo‘lgan. Bir nafar rossiyalik esa kasallikni yuqtirib olgach Erondan Ozarbayjonga o‘tgan.
Mavzuga doir:
- Finlyandiyada koronavirus bilan kasallanish bo‘yicha birinchi holat kuzatildi
- Belarus, Litva va Yangi Zelandiyada koronavirus bilan kasallangan ilk bemorlar aniqlandi
- Buyuk Britaniya hududida koronavirusga chalinishning birinchi holati qayd etildi
- Rim Papasi koronavirusga chalingani haqidagi xabarlar rad etildi
Izoh (0)