Suriya kuchlari tomonidan Idlib viloyatidagi turk harbiy xizmatchilariga berilgan avizarbalar oqibatida halok bo‘lganlar soni 33 kishiga yetdi. Bu haqda Suriya bilan chegaradosh Hatay viloyati gubernatori Rahmi Doganga tayanib, Anadolu agentligi xabar berdi.
Doganning ta’kidlashicha, yana 32 nafar turk askari jarohat olgan. Uning so‘zlariga ko‘ra, harbiylar shifoxonaga joylashtirilgan va ularning ahvoli hozirda qoniqarli.
Harbiy xizmatchilar halok bo‘lganidan so‘ng Turkiya prezidenti Rajab Toyyib Erdo‘g‘on xavfsizlik masalalari bo‘yicha yig‘ilish o‘tkazdi. Shundan keyin Anqara Idlibdagi Suriya armiyasiga javob zarbalarni amalga oshirdi. Turk prezidenti administratsiyasining ma’lum qilishicha, harbiylar Suriya qo‘shinlariga qarshi havo va yerdan hujum qilmoqda.
Mavzuga doir: Suriya qurolli muxolifati Idlib janubi-sharqida hukumat qo‘shinlariga hujum uyushtirdi
Izoh (0)