AQSh razvedkasi Rossiyaning 2020-yilda o‘tkaziladigan prezidentlik saylovlariga aralashuvini bo‘rttirib yubordi. Bu haqda CNN telekanali o‘zining uchta manbasiga tayanib xabar qildi.
Avvalroq AQSh razvedka direktori yordamchisi Shelbi Pirson Kongressning vakillar palatasi razvedka bo‘yicha qo‘mitasiga Rossiya Donald Trampning qayta prezident etib saylanishiga ko‘maklashish maqsadida Amerika saylov kampaniyasiga aralasha boshlagani haqida ma’lum qilgandi.
Manbalarning so‘zlariga ko‘ra, AQShda Rossiyaning prezident Donald Trampning qayta saylanishiga aralashuvi haqda dalil-isbot yo‘q. Ta’kidlanishicha, razvedka buni tasdiqlamaydi.
“Rossiya prezident ular bilan ishlashi mumkin bo‘lgan shaxs — u muzokarachi ekanligini tushunadi”, — deydi yuqori martabali amaldorlardan biri. Yana bir manbaning qayd etishicha, Pirson xonimning Rossiyani saylovlarga aralashuvi to‘g‘risidagi qarashlari chalkashlikka olib kelmoqda. Mamlakat milliy xavfsizlik vakillaridan birining fikricha, Rossiyaning hozirda yagona maqsadi — AQShda nizo keltirib chiqarish.
Eslatib o‘tamiz, Amerika maxsus xizmatlarining fikricha, Rossiya rasmiylari 2016-yilda AQSh prezidenti saylovi jarayoniga aralashuv kampaniyasini uyushtirgan. Rasmiy Moskva ushbu ayblovni qat’iy rad etib keladi. Shuningdek, AQShda Donald Trampning saylovoldi shtabining Rossiya bilan aloqalari bo‘lgan, deb taxmin qilinadi, biroq AQSh maxsus prokurori Robert Myuller olib borgan surishtiruv bu taxminni tasdiqlamadi.
Izoh (0)