Pulitser mukofoti AQSh saylovlariga “Rossiya aralashuvi” uchun taqdim etildi

Amerikaning The Washington Post va The New York Times gazetalari 2016-yilgi AQSh prezidentlik saylovlariga “Rossiya aralashuvi” haqidagi materiallar turkumi uchun Pulitser mukofotini qo‘lga kiritdi. Bu haqda mukofot saytida ma’lum qilindi.

Jyurining aniqlik kiritishicha, “Milliy yangiliklar” nominatsiyasi bo‘yicha mukofot amerikaliklarning 2016-yilgi saylovlarga Rossiyaning aralashuvi fakti, Moskvaning Tramp saylovoldi kampaniyasi, o‘tish jamoasi va uning ma’muriyati a’zolari bilan aloqalarini tushunishini sezilarli darajada yaxshilagan masalani chuqur va muntazam yoritganlik uchun berilgan.

The New York Times The New Yorker jurnali bilan birgalikda prodyuser Xarvi Vaynshteyn bilan bog‘liq mojaroni yoritganligi uchun yana bir “Pulitser”ni qo‘lga kiritdi.