2019-yilda Berkshire Hathaway invsetitsiya kompaniyasining sof foydasi 81 milliard dollarni tashkil qilgan va 2018-yildagiga nisbatan 1900 foizga o‘sgan. Bu haqda korporatsiya ijrochi direktori Uorren Baffett investorlarga yozgan xatida ma’lum qilgan, deb yozmoqda “RBK”.
Baffettning yozishicha, bunday o‘sish 2018-yilda joriy etilgan yangi GAAP (Generally Accepted Accounting Principles — umumqabul qilingan buxgalter hisobi prinsipi) qoidalariga bog‘liq. Ularga ko‘ra, qimmatli qog‘ozlarga ega bo‘lgan kompaniyalarga sof foydani ularning qiymatiga muvofiqlashtirib yozishi lozim.
Baffett 2018-yilda xolding 4 milliard dollar (bir yil avval 45 milliard bo‘lgan) sof foyda qilganini eslatgan.
Baffett investorlarga yozgan xatida hisobot berishning yangi qoidalariga rozi emasligi va 2018-yildagi operatsion daromad past bo‘lgani, bu borada 2018-yildagi natijani takrorlashga harakat qilish lozimligini qayd etgan. 2019-yilda operatsion daromad 23,9 milliard dollarni, 2018-yilda esa 24,8 milliard dollarni tashkil etgan, deyiladi Yahoo Finance xabarida.
Avgust oyida 90 ga chiqadigan Baffett xatida aksionerni bezovta qilayotgan muammo haqida yozmagan, ya’ni ijrochi direktor lavozimidan o‘zidan keyin kim rahbar bo‘lishi xususida qayd etmagan. U yaqin orada nafaqaga ketmasligi va agarda vafot etadigan bo‘lsa, xolding bunga 100 foiz tayyorlab qo‘yilganini bildirgan.
Baffettning so‘zlariga ko‘ra, Berkshire investorlariga uch talabga javob beradigan korxonalarga investitsiya kiritishni tavsiya qildi. Birinchi navbatda yaxshi daromad qilish lozim, ikkinchidan, ularni halol va ishbilarmon menejerlar boshqarishi lozim. Vanihoyat, uchinchi shart — ular bilan kelishuv har tomonlama pishiq ishlanishi kerak. Xolding bunday talablarga javob beradigan korxonani topganida ularni to‘lig‘icha sotib olishi lozim, deyiladi Baffett maktubida.
“Beqaror fond bozori bizga ulkan, lekin nazorat qilinmaydigan ommaviy kompaniyalar aksiyalar ulushini xarid qilish imkonini beradi, bu bizning standartlarga mos keladi”, — deydi u.
Mavzuga doir:
Baffett Berkshire Hathaway, GEICO, Dairy Queen, Duracell, BNSF Railway kompaniyalariga egalik qiladi, shuningdek, Apple, American Express va Bank of America’da o‘z ulushlariga ega. Forbes Baffettning boyligini 90,2 milliard dollarga baholagan.
Izoh (0)