Futbol bo‘yicha Yevropa Chempionlar Ligasining 1/8 final dastlabki bahsidan o‘rin olgan yana ikkita uchrashuv 19-fevral, chorshanba kuni bo‘lib o‘tdi.
Joze Mourinyo boshchiligidagi “Tottenhem” o‘z maydonida “Leypsig”ni qabul qildi. Ikkinchi bo‘lim debyutida londonliklar himoyachisi Ben Devis o‘z jarima maydoni ichida qo‘pol o‘ynadi. Natijada belgilangan penaltidan Timo Verner unumli foydalandi. Mazkur gol uchrashuv taqdirini hal qildi.
Parallel kechgan bahsda “Atalanta” va “Valensiya” jamoalari o‘zaro uchrashdi. Unda bergamoliklar yirik hisobdagi g‘alabani qo‘lga kiritdi. “Atalanta” safida Hans Hatebur dubl qayd etgan bo‘lsa, Yosip Ilichich va Remo Froyler bir martadan valensiyaliklar darvozasiga yo‘l topdi. Ispanlarning yagona javob goliga Denis Cherishev muallif bo‘ldi.
Mazkur jamoalar o‘rtasidagi javob bahslari 10-mart kuni bo‘lib o‘tadi.
YChL
1/8 final, ilk o‘yinlar
19-fevral, chorshanba
“Tottenhem” — “Leypsig” 0:1
Gol: 0:1 — 58, penalti Verner.“Tottenhem”: Lyoris, Sanches, Devis, Orye, Alderveyreld, Lo Chelso, Jedson Fernandesh (Ndombele, 64), Lukas Moura, Uinks, Bergveyn, Alli (Lamela, 64).
“Leypsig”: Gulachi, Klostermann, Mukiyele, Anxelinyo, Ampadu, Nkunku (Aydara, 74), Laymer (Forsberg, 83), Zabitser, Halstenberg, Verner, Shik (Poulsen, 77).
Ogohlantirishlar: Lo Chelso (10), Zabitser (12), Verner (33), Devis (56), Nkunku (72), Lamela (90).
“Atalanta” — “Valensiya” 4:1
Gollar: 1:0 — 16 Hatebur, 2:0 — 42 Ilichich, 3:0 — 57 Froyler, 4:0 — 62 Hatebur, 4:1 — 66 Cherishev.“Atalanta”: Gollini, Hatebur, Gosens, Toloi, Kaldara (Sapata, 75), Gomes (Malinovskiy, 81), Froyler, Pashalich (Tamez, 90), de Ron, Ilichich, Palomino.
“Valensiya”: Domenek, Gayya, Diakabi, Mangalya, Vass, Soler, Kondogbia, Ferran Torres, Parexo, Gedesh (Cherishev, 64), Maksi Gomes (Gameyro, 73).
Ogohlantirish: Hatebur (79).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)