Футбол бўйича Европа Чемпионлар Лигасининг 1/8 финал дастлабки баҳсидан ўрин олган яна иккита учрашув 19 февраль, чоршанба куни бўлиб ўтди.
Жозе Моуриньо бошчилигидаги «Тоттенҳэм» ўз майдонида «Лейпциг»ни қабул қилди. Иккинчи бўлим дебютида лондонликлар ҳимоячиси Бен Дэвис ўз жарима майдони ичида қўпол ўйнади. Натижада белгиланган пенальтидан Тимо Вернер унумли фойдаланди. Мазкур гол учрашув тақдирини ҳал қилди.
Параллел кечган баҳсда «Аталанта» ва «Валенсия» жамоалари ўзаро учрашди. Унда бергамоликлар йирик ҳисобдаги ғалабани қўлга киритди. «Аталанта» сафида Ҳанс Ҳатебур дубль қайд этган бўлса, Йосип Иличич ва Ремо Фройлер бир мартадан валенсияликлар дарвозасига йўл топди. Испанларнинг ягона жавоб голига Денис Черишев муаллиф бўлди.
Мазкур жамоалар ўртасидаги жавоб баҳслари 10 март куни бўлиб ўтади.
ЕЧЛ
1/8 финал, илк ўйинлар
19 февраль, чоршанба
«Тоттенҳэм» — «Лейпциг» 0:1
Гол: 0:1 — 58, пенальти Вернер.«Тоттенҳэм»: Льорис, Санчес, Дэвис, Орье, Алдервейрелд, Ло Чельсо, Жедсон Фернандеш (Ндомбеле, 64), Лукас Моура, Уинкс, Бергвейн, Алли (Ламела, 64).
«Лейпциг»: Гулачи, Клостерманн, Мукиеле, Анхелиньо, Ампаду, Нкунку (Айдара, 74), Лаймер (Форсберг, 83), Забитцер, Ҳалстенберг, Вернер, Шик (Поульсен, 77).
Огоҳлантиришлар: Ло Чельсо (10), Забитцер (12), Вернер (33), Дэвис (56), Нкунку (72), Ламела (90).
«Аталанта» — «Валенсия» 4:1
Голлар: 1:0 — 16 Ҳатебур, 2:0 — 42 Иличич, 3:0 — 57 Фройлер, 4:0 — 62 Ҳатебур, 4:1 — 66 Черишев.«Аталанта»: Голлини, Ҳатебур, Госенс, Толои, Калдара (Сапата, 75), Гомес (Малиновский, 81), Фройлер, Пашалич (Тамез, 90), де Рон, Иличич, Паломино.
«Валенсия»: Доменек, Гайя, Диакаби, Мангаля, Васс, Солер, Кондогбиа, Ферран Торрес, Парехо, Гедеш (Черишев, 64), Макси Гомес (Гамейро, 73).
Огоҳлантириш: Ҳатебур (79).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)