“Leganes” klubi hujumchisi Martin Breytueyt faoliyatini “Barselona”da davom ettiradi. Bu haqda katalon klubi matbuot xizmati ma’lum qildi.
28 yoshli daniyalik futbolchi bilan 2024-yilning yoziga qadar mo‘ljallangan shartnoma imzolangan.
“Barselona” matbuot xizmatining ma’lum qilishicha, Breytueyt transferiga 18 million yevro sarflangan. Uning yangi kelishuvida tovon puli 300 million yevro qilib belgilanadi.
Joriy mavsum Breytueyt La Ligada 24 o‘yin o‘tkazib, oltita golga muallif bo‘ldi.
Eslatib o‘tamiz, avvalroq Ispaniya futbol federatsiyasi Luis Suraes va Usmon Dembelening uzoq muddatga safdan chiqqani bois “Barselona”ga hujumchi sotib olishga ruxsat bergandi.
Martin “Barselona” safida La Ligada bemalol maydonga tushishi mumkin. Yevropa Chempionlar Ligasida esa UEFA cheklovi sabab o‘yinlarda qatnasha olmaydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)