Toshkentning Yunusobod tumani Ichki ishlar bo‘limi inspektorlari mahalla faollari ko‘magida janjallashib qolgan opa-singillarning tinch yo‘l bilan kelishib olishiga yordam berdi. Bu haqda IIBB matbuot xizmati ma’lum qildi.
IIB ayollar masalalari bilan shug‘ullanuvchi mutaxassislari mahalla faollari bilan birgalikda notinch oilalarni har kuni yo‘qlab, ziddiyatlar sababini o‘rganishni yo‘lga qo‘ygan. Shu tariqa ular qaysi oilaga qanday yordam kerakligini aniqlamoqda.
Jumladan, yaqinda ayollar masalalari bo‘yicha ish olib boruvchi inspektorlar “Yo‘lariq” mahallasida ikki tug‘ishgan opa-singil bir oilada, bir xonadonda yashab bir-biri bilan gaplashmayotganini aniqladi. Ma’lum bo‘lishicha, ular bolalar sababli qattiq urishib qolgan va 1,5 yildan buyon gaplashmay qo‘ygan.
Inspektorlar va mahalla faollari bu ikki ayol bilan suhbat o‘tkazdi va ularni o‘zaro kechirim so‘rashga undadi. Opa-singil bir-birini kechirib, yarashib oldi. Bunga sababchi bo‘lgan inspektorlar va mahalla faollariga minnatdorlik bildirdi.
Izoh (0)