Toshkent viloyati bojxona boshqarmasi xodimlari tomonidan Ohangaron tumanida tezkor tadbir o‘tkazildi. Bu haqda Davlat bojxona qo‘mitasi axborot xizmati xabar bermoqda.
Tadbir davomida fuqaro G.R. boshqaruvida bo‘lgan Isuzu, fuqaro K.B. boshqaruvidagi Lacetti va fuqaro D.S.ga tegishli bo‘lgan Lacetti avtomobillari xolislar ishtirokida ko‘zdan kechirildi.
Natijada avtomashinalar yukxonasida xorijda ishlab chiqarilgan va hech qanday hujjatlari bo‘lmagan, umumiy qiymati 1,02 milliard so‘mlik jami 13 turdagi parfyumeriya va tibbiyot anjomlari yashirilganligi ma’lum bo‘ldi.
Hozirda yuqoridagi holatlar yuzasidan bojxona organlari tomonidan surishtiruv harakatlari davom ettirilmoqda.
Izoh (0)