Istanbuldagi Sabiha Go‘kchen nomidagi xalqaro aeroportda Pegasus aviakompaniyasi samolyoti qo‘nish chog‘i halokatga uchrashiga shamol tezligi va yo‘nalishi keskin o‘zgarishi sabab bo‘lishi mumkin. Bu haqda “RIA Novosti” xabar bermoqda.
Hurriyet nashriga ko‘ra, aviadispetcherlar bilan muzokaralar chog‘ida uchuvchilar uchish-qo‘nish maydoni hududida “shamol siljishi”dan xavotir bildirgan. Odatda samolyot qulashiga olib kelishi mumkin bo‘lgan shamol tezligi va yo‘nalishining keskin o‘zgarishi shunday ataladi.
Uchuvchilar muloqoti audioyozuvida samolyot priborlari 1000 fut ( 350 metr atrofida) balandlikdan pastda shamol yo‘nalishining 180 darajagacha o‘zgargani qayd etilgan.
Izoh (0)