Tesla aksiyalari narxi 5-fevral kuni o‘tkazilgan savdoda 20,6% ga tushib ketdi, ammo keyinchalik bu pasayishning oldi olingan.
Meduza’ning yozishicha, Nasdaq birjasi yopilishida bir dona aksiya narxi 734,7 dollar bo‘lgan bo‘lib, bu avvalgi kundan 17,2 foizga kamdir. Kompaniyaning bozor kapitallashuvi 132,4 milliard dollarni tashkil qilgan.
Qayd etilishicha, aksiyalar so‘nggi kunlardagi jadal sur’atlarda ko‘tarilishlardan so‘ng qulagan. 4-fevralda bir dona aksiya 969 dollargacha qimmatlashgan.
Tesla aksiyalari kompaniya mashinalarni Shanxaydagi zavoddan fevral oyida olib kelishi lozim bo‘lgan, biroq koronavirus sababli keyinga qoldirilganidan so‘ng aksiyalar narxi tushib ketgan.
2020-yil boshidan buyon Tesla aksiyalari 71 foizga, so‘nggi 12 oyda 140 foizga ko‘tarilgan. 13-yanvarda esa bir dona aksiyaning narxi birinchi marta 500 dollardan oshgan.
Izoh (0)