Dunyoning eng kuchli futbolchilaridan biri portugaliyalik Krishtianu Ronaldu 5-fevral kuni 35 yoshni qarshi oldi.
Faoliyatini “Sporting”da boshlagan Ronaldu keyinchalik “Manchester Yunayted”, “Real Madrid” klubilarida to‘p surdi. Ayni damda esa “Yuventus” safida faoliyatini davom ettirmoqda.
Ronaldu “Manchester Yunayted” safida uch marta Premyer Liga chempionligini qo‘lga kiritdi. Shuningdek, u “qizil iblislar” safida Anliya Liga Kubogi (2 marta), mamlakat Kubogi va Superkubogi, Chempionlar Ligasi hamda klublar o‘rtasidagi Jahon Chempionatida g‘olib chiqdi.
“Real”da esa to‘rt bor Chempionlar Ligasi, uch marta klublar o‘rtasidagi JCh, shuningdek, ikki marotabadan UEFA Superkubogi, La Liga, Ispaniya Kubogi va Superkubogi sohibiga aylandi.
“Yuventus” bilan A Seriya va Italiya Superkubogini yutib oldi. Portugaliya terma jamoasi safida Yevro—2016 chempionligini qo‘lga kiritdi va Yevropa Millatlar Ligasi musobaqasining ilk g‘olibiga aylandi.
Ronaldu besh marta “Oltin to‘p” va ikki bor The Best sovriniga ega chiqdi. To‘rt marta Yevropada yil o‘yinchisi deb tan olindi hamda yana to‘rt bor “Oltin butsa”ga ega bo‘ldi.
Faoliyati davomida 994 ta rasmiy o‘yin o‘tkazgan Krishtianu 722 gol va 251 ta samarali uzatma muallifiga aylandi.
“Daryo” Ronaldu faoliyatidagi eng chiroyli gollardan ayrimlarini yodga oladi.
Ronaldu 2007-yilda Yevropa terma jamoasiga qarshi o‘tgan xayriya uchrashuvida jarima zarbasini qoyilmaqom ijro etgandi
“Manchester Yunayted” safida 2006/07-yilgi mavsum arafasidadagi “Oksford Yunayted” darvozasiga urilgan gol
Krishtianuning “Manchester Yunayted”dagi so‘nggi mavsumida (2007/08) “Portsmut” darvozasiga kiritgan to‘pi
Chempionlar Ligasi 2007/08-yilgi mavsumi guruh bosqichida portugaliyalik futbolchi sobiq jamoasi “Sproting”ni (1:2) ochkodan mahrum qilgandi
2011-yilgi o‘rtoqlik uchrashuvida “Guanchjou Evergrand” (7:1) darvozasiga urilgan chiroyli gol
La Liga 2011/12-yilgi mavsumida “Rayo Valyekano” darvozasiga urilgan gol
Portugaliya terma jamoasi safida 2013-yil Ekvadorga qarshi (2:3) o‘rtoqlik o‘yini: chiroyli uzatma, to‘pni to‘xtatish mahorati va mukammal zarba
Ronalduning so‘nggi daqiqadagi mazkur gol “Real”ni 2014-yilda “Valensiya”ga qarshi o‘yinda (2:2) mag‘lubiyatdan saqlab qolgandi
2017-yildagi o‘rtoqlik bahsida Ronaldu o‘z uslubida qanotdan yorib kirgan holda “Fiorentina” darvozasiga to‘p kiritgandi
Va, albatta, Yevropa Chempionlar Ligasi 2017/18-yilgi mavsumi chorak finalida “Yuventus” darvozasiga urilgan gol
Bonus+
Nodirxon Hamidxonov tayyorladi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)