Дунёнинг энг кучли футболчиларидан бири португалиялик Криштиану Роналду 5 февраль куни 35 ёшни қарши олди.
Фаолиятини «Спортинг»да бошлаган Роналду кейинчалик «Манчестер Юнайтед», «Реал Мадрид» клубиларида тўп сурди. Айни дамда эса «Ювентус» сафида фаолиятини давом эттирмоқда.
Роналду «Манчестер Юнайтед» сафида уч марта Премьер Лига чемпионлигини қўлга киритди. Шунингдек, у «қизил иблислар» сафида Анлия Лига Кубоги (2 марта), мамлакат Кубоги ва Суперкубоги, Чемпионлар Лигаси ҳамда клублар ўртасидаги Жаҳон Чемпионатида ғолиб чиқди.
«Реал»да эса тўрт бор Чемпионлар Лигаси, уч марта клублар ўртасидаги ЖЧ, шунингдек, икки маротабадан УЕФА Суперкубоги, Ла Лига, Испания Кубоги ва Суперкубоги соҳибига айланди.
«Ювентус» билан А Серия ва Италия Суперкубогини ютиб олди. Португалия терма жамоаси сафида Евро—2016 чемпионлигини қўлга киритди ва Европа Миллатлар Лигаси мусобақасининг илк ғолибига айланди.
Роналду беш марта «Олтин тўп» ва икки бор The Best совринига эга чиқди. Тўрт марта Европада йил ўйинчиси деб тан олинди ҳамда яна тўрт бор «Олтин буца»га эга бўлди.
Фаолияти давомида 994 та расмий ўйин ўтказган Криштиану 722 гол ва 251 та самарали узатма муаллифига айланди.
«Дарё» Роналду фаолиятидаги энг чиройли голлардан айримларини ёдга олади.
Роналду 2007 йилда Европа терма жамоасига қарши ўтган хайрия учрашувида жарима зарбасини қойилмақом ижро этганди
«Манчестер Юнайтед» сафида 2006/07 йилги мавсум арафасидадаги «Оксфорд Юнайтед» дарвозасига урилган гол
Криштианунинг «Манчестер Юнайтед»даги сўнгги мавсумида (2007/08) «Порцмут» дарвозасига киритган тўпи
Чемпионлар Лигаси 2007/08 йилги мавсуми гуруҳ босқичида португалиялик футболчи собиқ жамоаси «Спротинг»ни (1:2) очкодан маҳрум қилганди
2011 йилги ўртоқлик учрашувида «Гуанчжоу Эвергранд» (7:1) дарвозасига урилган чиройли гол
Ла Лига 2011/12 йилги мавсумида «Райо Вальекано» дарвозасига урилган гол
Португалия терма жамоаси сафида 2013 йил Эквадорга қарши (2:3) ўртоқлик ўйини: чиройли узатма, тўпни тўхтатиш маҳорати ва мукаммал зарба
Роналдунинг сўнгги дақиқадаги мазкур гол «Реал»ни 2014 йилда «Валенсия»га қарши ўйинда (2:2) мағлубиятдан сақлаб қолганди
2017 йилдаги ўртоқлик баҳсида Роналду ўз услубида қанотдан ёриб кирган ҳолда «Фиорентина» дарвозасига тўп киритганди
Ва, албатта, Европа Чемпионлар Лигаси 2017/18 йилги мавсуми чорак финалида «Ювентус» дарвозасига урилган гол
Бонус+
Нодирхон Ҳамидхонов тайёрлади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)