“Bunyodkor” yarim himoyachisi Xurshid G‘iyosov faoliyatini Janubiy Koreyada davom ettiradi.
24 yoshli o‘zbekistonlik futbolchi Key Liga 2 vakili “Anyang” bilan shartnoma imzolagan. Bu haqda klub matbuot xizmati ma’lum qildi. G‘iyosov erkin agent maqomida koreyaliklar safiga qo‘shilgan.
G‘iyosov 2019-yilgi mavsumda O‘zbekiston Superligasida 25 o‘yin o‘tkazib, 12 ta golga muallif bo‘lgan.
“Anyang” Key Liga 2 o‘tgan mavsumida “Gvangju” va “Pusan Ay Park”dan keyin uchinchi o‘rinni egallagandi. Janubiy Koreya oliy divizioni uchun kechgan saralash o‘yinida “Pusan Ay Park” jamoasiga mag‘lub bo‘lgandi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)