Shahrisabz tumanidagi Hisor davlat qo‘riqxonasi xodimlari tumanning tog‘li hududida irbis — qor barsini uchratgan. Bu haqda Shahrisabz tumani hokimligi axborot xizmati rahbari Sarvarbek Primov ma’lum qildi, deya xabar beradi Nasafnews .
Qo‘riqxona xodimlari ushbu noyob jonivorni suratga olishga ham muvaffaq bo‘ldi.
Mushuksimonlar oilasiga mansub, hayvonot olamida juda ham kamayib borayotgan irbis — qor barsi bugungi kunda dunyo miqyosida bor yo‘g‘i 16 ta mamlakatda 3—4 mingtagacha borligi tasdiqlanib, O‘zbekistonda ham 20—22 ta atrofida mavjudligi qayd etilgan.
Qor barsi xalqaro tabiatni muhofaza qilish ittifoqi himoyasi ostiga olingan. Shuningdek, ushbu jonivor mavjud barcha davlatlarda “Qizil kitob”ga kiritilgan.
Izoh (0)