AQSh afg‘on rasmiylari korrupsiya bilan kurashda erishgan yutuqlar tufayli mamlakatga oldinroq muzlatib qo‘yilgan 60 million dollarni ajratishga qaror qildi. Bu haqda Qo‘shma Shtatlar davlat kotibining yordamchisi o‘rinbosari Elis Uells ma’lum qildi, deya xabar beradi “Kommersant”.
Vashington o‘tgan yil sentabrida Kobulga yordam summasini kamaytirish va 100 million dollar atrofidagi mablag‘ni ajratmaslikka qaror qilgandi. Bu qaror Afg‘onistonda “korrupsiyaning tarqalish ko‘lamidan tashvish” bilan izohlangandi.
“Biz Afg‘oniston hukumatining bu boradagi harakatlarida oldinga siljishni kuzatdik va 60 million dollar atrofida yordam ko‘rsatish imkonini topdik. Shu bilan birga, mamlakat mustaqil bo‘lish va xususiy sektorni rivojlantirishga o‘tishi zarur”, — ta’kidladi Uells.
Izoh (0)