Rossiyaning “YedaNaKolesax” kompaniyasi O‘zbekistonga 20 ta “fudtrak” (kafe-furgon) sotgani ma’lum bo‘ldi. Bu haqda kompaniya asoschisi Rafael Xabirovga tayanib, “RBK” xabar berdi.
Uning so‘zlariga ko‘ra Rossiyada o‘zining biznesini rivojlantirishga tijorat to‘g‘risidagi qonunning yo‘qligi jiddiy to‘sqinlik qilmoqda. Shu sababli tadbirkor o‘z biznesini xorijda rivojlantirmoqda — u transport vositasiga identifikatsion raqam olish huquqini beruvchi WMI va xalqaro talablarga mos keluvchi HASP ISO 22000 sertifikatlarini olgan.
Boshqa mamlakatlarga “fudtrak”lar Mobi Truck brendi ostida ketmoqda. Uning so‘zlariga ko‘ra O‘zbekistonga jami 20 dona “fudtrak” sotilgan. Norvegiyaga esa ikkita, Dubayga — to‘rtta, Eronga — beshta shu turdagi “fudtrak” sotilgan.
O‘zbekistonda 2018-yili savdo qoidalari soddalashtirilgan bo‘lib, unga ko‘ra “fudtrak”larga ham imkoniyat berilgan. Ko‘chma savdo bilan shug‘ullanish uchun ruxsatni yakka tartibdagi tadbirkorlar ham olishi mumkin. Ruxsatnoma uzog‘i bilan 12 oyga beriladi.
Izoh (0)