Россиянинг «ЕдаНаКолесах» компанияси Ўзбекистонга 20 та «фудтрак» (кафе-фургон) сотгани маълум бўлди. Бу ҳақда компания асосчиси Рафаэл Хабировга таяниб, «РБК» хабар берди.
Унинг сўзларига кўра Россияда ўзининг бизнесини ривожлантиришга тижорат тўғрисидаги қонуннинг йўқлиги жиддий тўсқинлик қилмоқда. Шу сабабли тадбиркор ўз бизнесини хорижда ривожлантирмоқда — у транспорт воситасига идентификацион рақам олиш ҳуқуқини берувчи WМI ва халқаро талабларга мос келувчи HASP ISO 22000 сертификатларини олган.
Бошқа мамлакатларга «фудтрак»лар Mobi Truck бренди остида кетмоқда. Унинг сўзларига кўра Ўзбекистонга жами 20 дона «фудтрак» сотилган. Норвегияга эса иккита, Дубайга — тўртта, Эронга — бешта шу турдаги «фудтрак» сотилган.
Ўзбекистонда 2018 йили савдо қоидалари соддалаштирилган бўлиб, унга кўра «фудтрак»ларга ҳам имконият берилган. Кўчма савдо билан шуғулланиш учун рухсатни якка тартибдаги тадбиркорлар ҳам олиши мумкин. Рухсатнома узоғи билан 12 ойга берилади.
Изоҳ (0)