Prezident Shavkat Mirziyoyev Konstitutsiyaning 93-moddasiga muvofiq, Oliy Majlis Senati raisi va uning o‘rinbosarlari lavozimlariga nomzodlarni taqdim qildi. Palata a’zolari yashirin ovoz berish yo‘li bilan Senati raisi lavozimiga Tanzila Norboyevani sayladi.
Senat raisining birinchi o‘rinbosari lavozimiga yashirin ovoz berish yo‘li bilan Sodiq Safoyev saylandi. Konstitutsiyaning 86-moddasiga muvofiq, Senat raisining o‘rinbosarlaridan biri Qoraqalpog‘iston vakili bo‘ladi. Ushbu normaga asosan Musa Yerniyazov Senat raisining o‘rinbosari lavozimiga saylandi.
Norboyeva, Safoyev, Yerniyazov bungacha ham xuddi shu saylangan lavozimlarda ishlab kelayotgan edi, deya xabar bermoqda “Daryo” muxbiri Musulmonbek Ibrohimov. Senat raisining yana bir o‘rinbosari lavozimiga yashirin ovoz berish yo‘li bilan Zayniddin Nizomxo‘jayev saylangan.
Izoh (0)