Toshkent viloyatining Yuqori Chirchiq tumanida ikki Nexia to‘qnashuvi oqibatida 29 yoshli yo‘lovchi halok bo‘ldi. Toshkent viloyati IIBB YHX boshqarmasining “Daryo”ga ma’lum qilishicha, voqea 15-yanvar, chorshanba kuni soat taxminan 01:30 lar atrofida sodir bo‘lgan.
Ma’lum bo‘lishicha, 1990-yilda tug‘ilgan haydovchi Yo.A. Nexia avtomobilini “Mamut—O‘rtasaroy” avtomobil yo‘lining 5-kilometrida boshqarib ketayotgan bo‘lgan. Shu kuni quyuq tuman tushganligi sababli xavfli burilish joyida yo‘lning qarama-qarshi bo‘lagiga o‘tib ketgan va u tomondan harakatlanib kelayotgan, haydovchi A.Sh. boshqaruvida bo‘lgan boshqa Nexia bilan to‘qnashgan.
To‘qnashuv oqibatida qarama qarshi yo‘nalishga chiqib ketgan, haydovchi Yo.A. boshqaruvidagi Nexia yo‘lovchisi 1990-yilda tug‘ilgan X.F. og‘ir tan jarohatlari olib, voqea joyida vafot etgan.
Hozirda ushbu holat yuzasidan tergovoldi tekshiruv harakatlari olib borilmoqda.
Izoh (0)