Birlashgan Arab Amirliklarida yig‘in olib borayotgan “Rostov” futbol klubi futbolchilariga va murabbiylariga intervyu berish taqiqlandi. Bu haqda “Chempionat” nashri jurnalisti Oleg Lisenko ma’lum qildi.
Unga ko‘ra, “Rostov” prezidenti Artashes Arutyanats klub a’zolari intervyu berishini xohlamagan va yig‘inlar vaqtida bunga taqiq qo‘ygan.
Hozircha bu taqiqning qachongacha davom etishi noaniq.
Eslatib o‘tamiz, ushbu jamoa safida O‘zbekiston terma jamoasi hujumchisi Eldor Shomurodov ham harakat qiladi. U ayni damda 10 ta gol bilan klubning Rossiya chempionatidagi eng yaxshi to‘purari bo‘lib turibdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)