UzAuto Motors Trade-in dasturi bo‘yicha eski avtomobilni yangisiga almashtirish tartibini tushuntirdi

UzAuto Motors xaridorlarni sotuvda mavjud avtomobillarni Trade-in dasturi orqali xarid qilishga chaqirdi. Trade-in dasturiga asosan eski mashinani rasmiy dilerga topshirib, o‘rniga yangisini olish mumkin, deyiladi kompaniya xabarida.

Bunda yangi va eski mashina qiymatlari hisob-kitob qilinib, mijoz yangi olgan avtomobilning narxdagi farqini to‘lab beradi.

Avtomobilni yangisiga almashtirish tartibi:

• avtosalonda yangi avtomobil tanlanadi;
• avtosalon mutaxassisi mijozning eski avtomobili texnik holati va ishlab chiqarilgan yili bo‘yicha baholaydi;
• avtomobilni yangisiga almashtirish bo‘yicha shartnoma imzolanadi, bitim notarial tasdiqlanishi shart emas;
• yangi mashina narxi eskisining qiymati bilan solishtirilib, xaridor oradagi farqni to‘lab beradi.