Hindiston shimolida yo‘lovchi avtobusi yuk mashinasi bilan to‘qnashishi oqibatida yonib ketdi, deb xabar beradi Times of India.
Falokat oqibatida kamida 20 kishi halok bo‘lgan va yana 21 kishi og‘ir kuyish ahvolida shifoxonaga yotqizilgan.
Politsiyaning ma’lumotlariga ko‘ra avtobusda 70 kishi bo‘lgan, hozircha qurbonlarning aniq soni noma’lum.
Avariyaga uchragan avtobus Jaypur shahridan Kannauy tomon harakatlanayotgan bo‘lgan. Yo‘lovchilar uyquda bo‘lganligi, shuningdek, oyna va eshiklar yopiqligi sabab avtobusdan chiqishga ulgurmagan.
Politsiya bosh inspektori Moxit Agarvalning so‘zlariga ko‘ra yong‘in nazorat ostiga olingan va jabrlanganlarga yordam ko‘rsatilmoqda. Dastlabki ma’lumotlarga ko‘ra avtobus qarama-qarshi tomondan harakatlanib kelayotgan yuk mashinasi bilan to‘qnashishi oqibatida yong‘in kelib chiqqan. Yuk mashinasi tez alangalanuvchi materiallarni olib ketayotgan bo‘lgan.
Izoh (0)