“World of Tanks” o‘yini mualliflaridan biri, Wargaming.net sayti marketing bo‘limi rahbari Vyacheslav Makarov Rossiyada siyosiy partiya tuzishni hamda mahalliy saylovlarda ishtirok etishini rejalashtirmoqda. Bu haqda “Kommersant” xabar berdi.
Ma’lum qilinishicha, “To‘g‘ridan-to‘g‘ri demokratiya partiyasi” deb nomlanadigan partiyaning ta’sis qurultoyi 5-mart kuni bo‘lib o‘tishi rejalashtirilmoqda.
Partiya 2020-yilda bo‘lib o‘tadigan hududiy saylovlarda hamda 2021-yilda Rossiya Davlat dumasi saylovida ishtirok etishni ko‘zlamoqda. Partiya elektorati sifatida mahalliy IT kompaniyalari ko‘rilmoqda.
Qayd etilishicha, tashkiliy qo‘mita tarkibiga Makarovdan tashqari Yevrosiyo aloqalar markazi direktori Aleksey Pilko, “Yandeks Dengi” yuridik xizmati rahbari o‘rinbosari Boris Chigilin, Unwired Devices shirkati bosh direktori Oleg Artamonov va Wargaming.net’ning hukumat bilan aloqalar bo‘yicha maslahatchisi Timofey Shevyakov kiradi.
Xabar berilishicha, partiya a’zolari uchun partiya masalalari bo‘yicha ovoz berish imkonini beradigan, blokcheyn texnologiyasida ishlaydigan alohida platforma yaratiladi.
Izoh (0)