Afrikada 2019-yilning eng yaxshi futbolchisi ma’lum bo‘ldi

Afrika futbol konfederatsiyasi 2019-yilgi mavsum yakunlariga ko‘ra eng yaxshilarni taqdirlash marosimini o‘tkazdi.

Unga ko‘ra, yilning eng yaxshi yosh futbolchisi nomi Dortmundning “Borussiya”sida ijara asosida to‘p tepayotgan “Real” vakili, marokashlik Ashraf Hakimiga nasib etdi.

Yil goliga atalgan sovringa esa “Manchester Siti” hamda Jazoir terma jamoasi a’zosi Riyod Mahrez ega chiqdi. Uning Afrika Millatlar Kubogi musobaqasi yarim finali so‘nggi daqiqalarida Nigeriya darvozasiga kiritgan to‘pi eng chiroyli deya e’tirof etildi.

Yil futbolchisi sovrini “Liverpul” hamda Senegal terma jamoasi vingeri Sadio Manega topshirildi. Mane bu yo‘lda Muhammad Saloh hamda Riyod Mahrezlarni ortda qoldirdi.

Yil ramziy terma jamoasi quyidagicha ko‘rinish oldi:

Darvozabon: Andre Onana (“Ayaks”, Kamerun).

Himoyachilar: Serj Orye (“Tottenxem”, Kot-d’Ivuar), Joel Matip (“Liverpul”, Kamerun), Kalidu Kulibali (“Napoli”, Senegal), Ashraf Hakimi (“Borussiya” Dortmund, Marokash).

Yarim himoyachilar: Idrissa Guye (PSJ, Senegal), Riyod Marez (“Manchester Siti”, Aljir), Hakim Ziyosh (“Ayaks”, Marokash).

Hujumchilar: Sadio Mane (“Liverpul”, Senegal), Pyer-Emerik Obameyang (“Arsenal”, Gabon), Muhammad Saloh (“Liverpul”, Misr).