“Bavariya” klubi “Shalke-04” darvozaboni Aleksandr Nyubel bilan shartnoma imzoladi. Bu haqida myunxenliklar rasmiy saytida ma’lum qilindi.
23 yoshli posbon 2020-yilning yozida erkin agent maqomida “Bavariya” safiga kelib qo‘shiladi.
Ta’kidlanishicha, Nyubel “Bavariya” bilan besh yillik shartnoma imzolagan.
Darvozabon Bundesliga 2019/20-yilgi mavsumida “Shalke-04” safida 15 o‘yin o‘tkazdi. U mavsumning ikkinchi yarmini ham gelzenkirxenliklar safida o‘tkazadi.
Eslatib o‘tamiz, “Bavariya”ning asosiy darvozaboni Manuel Noyer ham 2011-yilda “Shalke-04”dan myunxenliklar safiga o‘tgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)