AQSh davlat kotibi Mayk Pompeoning Janubiy va Markaziy Osiyo masalalari bo‘yicha yordamchisi vazifasini bajaruvchi Elis Uells O‘zbekistonda bloger Nafosat Olloshukurovaning uch oydan ortiq ruhiy kasalliklar kasalxonasida ushlab turilganidan so‘ng ozod qilinganini yaxshi yangilik sifatida e’tirof etdi, deb yozadi @davletovuz Telegram-kanali.
“Tanqidiy ovozni o‘chirish emas, balki OAV erkinligini ta’minlash Prezident Mirziyoyev islohotlar dasturining muhim jihatidir”, — deb qo‘shimcha qilgan Elis Uells Twitter’da qoldirgan xabarida.
Xorazm viloyati ruhiy kasalliklar dispanserida davolanishda bo‘lgan bloger Nafosat (Shabnam) Olloshukurova 28-dekabr kuni Toshkentning Yunusobod tumanidagi uyiga qaytdi.
Nafosat Olloshukurova “Toshkentga yurish”dan so‘ng, 26-sentabr kuni sud qaroriga asosan Xorazm viloyatining psixologik kasalliklar dispanserida majburiy davolanishga joylashtirilgan edi. Ombudsman monitoring guruhi 21-oktabr kuni u bilan uchrashgan edi.
28-noyabrda esa fuqarolik ishlari bo‘yicha Xorazm viloyati sudining kassatsiya instansiyasi Olloshukurova ruhiy kasalliklar shifoxonasida davolanishni davom ettirish yuzasidan qaror chiqargan edi.
Izoh (0)